सवारी दुर्घटनामा परेर श्रीमान् को मृत्यु, श्रीमती घाइते

६ जेठ, कैलाली । कैलालीको लम्कीचुहा नगरपालिकामा बसको ठक्करबाट एक जनाको मृत्यु भएको छ भने एक जना घाइते भएका छन् ।

जिल्लाको लम्कीचुहा नगरपालिका ६ गुलारा अन्तरगत पूर्वपश्चिम राजामार्गमा बस र मोटरसाइकल आपसमा ठोक्किदाँ श्रीमान् को मृत्यु भएको छ, भने श्रीमती घाइते भएकी प्रहरीले जनाएको छ ।

कैलालीका प्रहरी प्रवक्ता नायब उपरीक्षक वेदप्रकाश जोशीका अनुसार ना ५ क ४३८२ नम्बरको बसले से ५ क २४४ नम्बरको मोटरसाइकललाई ठक्कर दिँदा बर्दगोरिया ५ का श्रवण रानाको मृत्यु भएको हो ।

सोही मोटरसाइकलमा सवार रानाकी श्रीमती राजमती राना घाइते भएको प्रहरीले जनाएको छ । घाइते राजमतीलाई स्थानीय अस्पतालमा सामान्य उपचारपछि कोहलपुर रेफर गरिएको छ ।

दुर्घटना पश्चात् बस चालक महोत्तरीका प्रेमकुमार अधिकारीलाई नियन्त्रणमा लिएर घटनाबारे थप अनुसन्धान भइरहेको जिल्ला प्रहरी कार्यालय कैलालीले जनाएको छ ।