नवनिर्वाचित ५ नगर प्रमुखहरुको शपथ ग्रहण

६ जेठ, रौतहट । रौतहटमा नवनिर्वाचित नगर प्रमुखहरुले आज गौर नगरपालिकाको भवनमा शपथ ग्रहण गरेका छन् ।

गत वैशाख ३० गते भएको स्थानीय तहको चुनावबाट निर्वाचित भएका ५ वटा नगरपालिकाका नगर प्रमुखहरुले शुक्रबार जिल्लाको सदरमुकामस्थित गौर नगरपालिकाको सभा हलमा शपथ लिएका छन् ।

नगरवासीहरुलाई साक्षी मानेर गौर नगरपालिकाको नवनिर्वाचित मेयर शम्भू साह, राजदेवी नगरपालिकाको नगरप्रमुख भिकारी यादव, मौलापुर नपाको मेयर रीना साह, परोहा नपाका मेयर शेख वकील र दुर्गा भगवती गाउँपालिकाका अध्यक्ष शम्भू सिंहले शपथ ग्रहन गरेका हुन् ।
रौतहटमा १८ पालिकामध्ये १६ वटा नगरपालिका र दुई वटा गाउँपालिका रहेको छ । जसमध्ये ५ वटा नगरपालिकाका नवनिर्वाचित नगरप्रमुखहरुले आज गौर नगरपालिकाको सभा हलमा शपथ लिएका छन् ।