गुजरा नगरपालिका ३ मा नेकपा एसका उम्मेदवारलाई जम्मा १ मत

६ जेठ, रौतहट । रौतहटको गुजरा नगरपालिका ३ मा नेकपा एकृकीत समाजवादी पार्टीका उम्म्ेदवारलाई जम्मा १ मत मात्रै प्राप्त भएको छ ।

गुजरा नगरपालिका वडा नम्बर ३ बाट वडा अध्यक्षको पदका लागि नेकपा एसबाट उम्मेदवारी दिएको दिपक चौधरीलाई १ मत मात्रै परेको छ । गुजरा नगरपालिका वडा नम्बर ३ मा नेकपा एमालेका उम्मेदवार गजेन्द्र चौधरी ५ सय ३० मत पाएर निर्वाचित भएका हुन् ।

२०७४ सालको चुनावमा पनि वडा अध्यक्ष पदमा गजेन्द्र चौधरी नै विजयी भएका थिए । यस्तै, गत वैशाख ३० गते (शुक्रबार) भएको स्थानी तहको चुनावमा सोहि वडामा नेकपा एसका मेयरका उम्मेदवार केशव राय चौधरीले २ सय ६९ ल्याएका छन् भने वडा अध्यक्षका उम्मेदवार चौधरी एउटा मात्रै भोट पाए ।

त्यसैगरी, उपमेयरका उम्मेदवार एत्वरिया देवीले जम्मा २४ मत हासिल गरेकी छिन् ।