हाल नेपालमा १ सय ५० कोरोना संक्रमित उपचाररत

५ जेठ, रौतहट । नेपालमा पछिल्लो २४ घण्टामा थप १२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ५८० जनाको पीसीआर परीक्षण गर्दा जम्मा १२ जनाको कोरोना रिपोर्ट पोजेटिभ आएको छ ।

यस्तै, यो अवधिमा १ हजार ४७ जनाको एन्टीजेन विधिबाट परीक्षणगरेपनि कसैमा एन्टिजेन संक्रमण देखिएको छैन् । आज थपिएसंगै नेपालमा कोरोना संक्रमितको कुल संख्या ११ लाख १९ हजार २४७ पुगेको स्वास्थ्य मन्त्रालयले जनाएको छ ।

त्यसैगरी, बितेको २४ घण्टामा थप ९ जनाको संक्रमणमुक्त भएका छन् । देशभर कोरोनामुक्त हुनेहरुको कुल संख्या ९ लाख ६६ हजार ९३८ पुगेको छ ।

त्यसैगरी, पछिल्लो २४ घण्टामा कोरोना भाइरस (कोभिड १९)को संक्रमणका कारण कसैको पनि मृत्यु नभएको स्वास्थ्य तथा जनसंख्या मन्त्रालयले जनाएको छ । तर, कोरोना संक्रमणबाट हालसम्म नेपालमा ११ हजार ९ सय ५२ जनाले ज्यान गुमाइसकेका छन् ।

हाल देशभर १५० जना सक्रिय संक्रमित रहेका छन् ।