रौतहटको गौरमा एक वृद्धाको शव फेला

४ जेठ, रौतहट । रौतहटको गौरमा एक महिलाको शव वेवारिसे अवस्थामा फेला परेको प्रहरीले जनाएको छ ।

जिल्लाको गौर नगरपालिका वडा नम्बर ५ कवीर चोकमा एक महिला मृत भेफेला परेकी प्रहरीले जनाएको छ । नामथर नखुलेको अन्दाजी ६० वर्षीया ती महिलाको शव सोमबार विहान करिब ७:४५ बजेतिर भेटिएको जिल्ला प्रहरी कार्यालय रौतहटले जनाएको छ ।

वेवारिसे अवस्थामा मृत फेला परेकी ती वृद्धाको हालसम्म पहिचान हुन सकेको छैन् । यसबारे अनुसन्धान भइरहेको रौतहट प्रहरीले जनाएको छ ।