बाराका विभिन्न केन्द्रहरूमा रद्द गरिएको मतदान आज हुदैँ

४ जेठ, बारा । बाराका विभिन्न केन्द्रहरूमा रद्द गरिएको चुनाव आज भइरहेको छ ।

गत वैशाख ३० गते स्थानीय तहको निर्वाचन रद्द भएपछि आज बिहान ७ बजेदेखि मतदान केन्द्रहरुमा शान्तिपूर्ण रुपमा मतदान भइरहेको निर्वाचन भइरहेको छ । निर्वाचन आयोगका अनुसार बाराको पचरौता नगरपालिकामा रद्द भएको चारवटा मतदान केन्द्रको मतदान शुरु भएको छ ।

पचरौता नगरपालिका वडा नम्बर २ स्थित बरगाछी मतदान केन्द्र र श्रीनगर प्रा वि मतदान केन्द्र तथा वडा नम्बर ४ स्थित नेरामावि बेल्दारीको क र ख गरी चारवटा मतदान केन्द्रमा मतदान भैरहेको छ ।

गत वैशाख ३ण् गते रद्द भएको मतदान बुधबार बिहान ७ बजेदेखि साँझ ५ बजेसम्म हुने समय तोकिएको निर्वाचन आयोगले जनाएको छ ।