सवारी दुर्घटना हुँदा एक जनाको मृत्यु

५ असोज, रौतहट । सप्तरीको खडक नगरपालिका ६ स्थित आज बिहान सवारी दुर्घटना हुँदा एक जनाको मृत्यु भएको छ ।

भ्यान र मोटरसाइकल आपसमा ठोक्किदाँ पर्साको जिरा भवानी गाउँपालिका ३ निवासी ३७ वर्षीय शिवशक्ति चौधरीको मृत्यु भएको प्रहरीले जनाएको छ ।

मंगलबार बिहान पूर्वबाट पश्चिमतर्फ जाँदै गरेको बा १४ च ६२७९ नम्बरको पिकअप भ्यान र सोही विपरीत दिशाबाट आउँदै गरेको ना ३७ प ३८९४ नम्बरको मोटरसाइकल एकापसमा ठोक्किएको प्रहरी नायब उपरीक्षक माधवप्रसाद काफ्लेले जानकारी दिए ।

दुर्घटनामा घाइते भएको मोटरसाइकल चालक चौधरीलाई उपचारको लागि राजविराजस्थित गजेन्द्रनारायण सिंह अस्पताल ल्याउँदै गर्दा बाटोमै मृत्यु भएको प्रहरीले जनाए । यसबारे आवश्यक अनुसन्धान भइरहेको छ ।

घटना पश्चात् फरार भएको भ्यान चालकको खोजी सुरु भएको प्रहरीले जनाएको छ ।