आइपिएलका बाँकी ३१ खेलहरू आजबाट सुरु

३ असोज, रौतहट । कोरोना भाइरसका कारण रोकिएको आइपिएल सिजन २०२१ का बाँकी खेलहरू आजदेखि सुरू हुँदैछ । युएईमा हुने खेलहरू आजदेखि १५ अक्टोबरसम्म खेलिने छ ।

आज राति ७ बजेर ४५ मिनेटबाट सुरु हुने खेलमा चेन्नई सुपरकिंग्स र मुम्बई इन्डियन्सबीच प्रतिस्पर्धा हुनेछ ।

सिजन २०२१ मा २९ खेल खेलिसकेको अवस्था छ । भारतमा आइपिएल जारी रहदा कोरोना संक्रमण दर उच्च भएको तथा टिमका सदस्यलाई पनि कोरोना लागेपछि आइपिएल अनिश्चितकालका लागि स्थगित गरिएको थियो।

अब आइपिएलका ३१ खेल बाँकी छन् । जसमा २७ खेल समूह चरणका रहका छन् । खेलहरु युएईको दुबई, अबुधावी र शारजाहमा हुनेछन् ।
आइपिएल सकिए लगत्तै युएईमा टी–२० विश्वकप हुने तय छ । जारी आइपिएलमा दिल्ली क्यापिटल्स ८ खेलबाट १२ अंक जोड्दै शीर्ष स्थानमा छ ।

दोस्रो स्थानको चेन्नई र तेस्रो स्थानको बेंग्लोरको समान ७ खेलबाट समान १० अंक छ ।