आमाको हत्या आरोपमा धनुषाबाट एक जना पक्राउ

३१ भदौँ, धनुषा । आमाको हत्या आरोपमा धनुषाबाट एक जना पक्राउ परेका छन् ।

जिल्लाको सबैला नगरपालिका वडा नम्बर ५ मअनाहाका २१ वर्षीय मनोज खत्वेलाई पक्राउ गरिएको प्रहरीले जनाएको छ ।

आफ्नै आमा ३६ वर्षीया सिकिलिया देवी खत्वेको हत्या आरोपमा शुक्रबार बिहान उनकै छोरालाई हिरासतमा लिएको प्रहरीले जनाएको छ । प्रहरीका अनुसार घरायसी विवादका कारण भएको झगडाको क्रममा मनोजले आफ्नै आमाको टाउकोमा प्रहार गरेका थिए ।

छोराले गरको लठ्ठी प्रहारबाट उनको घटनास्थलमै मृत्यु भएको थियो । पक्राउ परेको मनोजमाथि घटनाबारे अनुसन्धान भइरहेको प्रहरीले जनाएको छ ।