करणी आरोपमा नेपाली सेनामा कार्यरत एक जवान पक्राउ

२७ भदौँ, गोरखा । जबरजस्ती करणी आरोपमा नेपाली सेनामा कार्यरत एक जवानलाई प्रहरीले हिरासतमा लिएको छ ।

१४ वर्षीया बालिकालाई बलात्कृत गरेको अभियोगमा बाग्लुङ गलकोट ११ घर भएको मनबहादुर रानालाई पक्राउ गरिएको प्रहरीले जनाएको छ । आरोपी रानालाई उत्तरी गोरखाको चुमनुब्री गाउँपालिका वडा नम्बर ३ सिर्दिबासबाट नियन्त्रणमा लिएको छ ।

शनिबार साँझ ५:३० बजेतिर बारीमा तरकारी टिप्न गएकी एक स्थानीय बालिकालाई जबरजस्ती गरेको (घटनास्थल)बाटै स्थानीयहरुले हिरासतमा लिई प्रहरीको जिम्मा लगाएका थिए ।

पक्राउ परेका आरोपीत रानामाथि अनुसन्धानका लागि गोरखा ल्याइएको जिल्ला प्रहरी कार्यालय गोरखाले जनाएको छ ।