स्रोत नखुलेको रकमसहित वीरगञ्जबाट एक जना पक्राउ

२७ भदौँ, पर्सा । स्रोत नखुलेको रकमसहित पर्साबाट एक जना पक्राउ परेका छन् ।

पक्राउ पर्नेमा पोखरिया नगरपालिका ९ बैरिया विर्ताका ३५ वर्षीय महम्द रिजवान आलम रहेको प्रहरीले जनाएको छ । पर्साको वीरगञ्ज महानगरपालिका २ श्रीराम सिनेमा हलको पछाडि गोरेटोबाट आइतबार दिउँसो १:३० बजेतिर उनलाई हिरासतमा लिएको प्रहरीले जनाएको छ ।

प्रदेश २–३–०१२ प २०४६ नम्बरको प्लाटिना मोटरसाइकल रोकी चेकजाँच जिन्सपाइन्टको खल्तीमा लुकाईछिपाई राखेको अवस्थामा उनीसंग बरमद भएको रुपैयाँको स्रोत नखुलेको कारण निजलाई हिरासतमा लिएको हो । पक्राउ परेको आलमको साथबाट ७ लाख ५३ हजार ३ सय रुपैयाँ बरामद भएको प्रहरीले जनाएको छ ।

पक्राउ परेका उनीमाथि यसबारे अनुसनधान भइरहेको जिल्ला प्रहरी कार्यालय पर्साले जनाएको छ ।