नेपालमा थपिए १५२ जना संक्रमित, २ जनाको मृत्यु

२४ भदौँ, रौतहट । नेपालमा पछिल्लो २४ घण्टामा थप १ सय ५२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालका अनुसार विगत २४ घण्टामा १ हजार १ सय ८६ जनाको पीसीआर परीक्षण गर्दा १ सय १० जनाको कोरोना रिपोर्ट पोजेटिभ आएको छ ।

यस्तै, यो अवधिमा २ हजार १ सय ८ जनाको एन्टिजेन विधिबाट परीक्षण गर्दा ४२ जनामा एन्टिजेन संक्रमण देखिएको छ ।

त्यसैगरी, बितेको २४ घण्टामा थप १ सय ३३ जना संक्रमणमुक्त भएका छन् ।

यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप २ जनाको मृत्यु भएको छ ।

हाल देशभर २ हजार ४ सय ४८ जना संक्रिय कोरोना संक्रमित रहेको स्वास्थ्य तथा जनसंख्या मन्त्रालयले जनाएको छ ।