वीरगञ्जबाट तीन जना भारतीय महिला पक्राउ

२२ भदौँ, पर्सा । बच्चा चोर्न खोजेको आशंकामा पर्साको वीरगञ्जबाट तीन जना भारतीय महिलालाई पक्राउ गरिएको छ ।

वीरगञ्जको छपकैयाबाट स्थानीयहरुले बच्चा चोन खोजेको आशंकामा भारतको बिहार नरकटियागञ्ज घर भई रक्सौलको ईस्लामपुर बस्ने ५० वर्षीया शैली खातुन, ५३ वर्षीया मैरुन नेसा र ४५ वर्षीया छतोती खातुनलाई हिरासतमा लिएको प्रहरीले जनाएको छ ।

पत्थर, जन्तर र औंठी बेच्दै हिँडेकी ती महिलाहरुले बच्चा नचोरेको अवस्थामा भएपछि हाल बच्चा चोरेको हल्लाको कारण स्थानीयले तीनै जनालाई नियनत्रणमा लिएको पर्साका प्रहरी प्रवक्ता नविन गिरीले जानकारी दिए । पक्राउ परेकी तीनै जनामाथि यसबारे अनुसन्धान भइरहेको जिल्ला प्रहरी कार्यालय पर्साले जनाएको छ ।

हाल उनीहरुलाई वडा प्रहरी कार्यलय विर्तामा राखिएको छ ।