स्रोत नखुलेको नगदसहित रुपन्देहीबाट युवक पक्राउ

१३ भदौँ, रुपन्देही । स्रोत नखुलेको रकमसहित रुपन्देहीबाट एक जनालाई प्रहरीले हिरासतमा लिएको छ ।

जिल्लाको सिद्धार्थनगर नगरपालिका १ बाइपासबाट बुटवल उपमहानगरपालिका ८ सुख्खानगरका २८ वर्षीय सन्दीप शाक्यलाई पक्राउ गरिएको प्रहरीले जनाएको छ ।

प्रहरीका अनुसार अवैध रुपमा नगद ओसारपसार भइरहेको भन्दैँ गोप्य सूचनाका आधारमा जिल्ला प्रहरी कार्यालय रुपन्देहीबाट खटिएको प्रहरी टोलीले निजलाई आइतबार साँझ ४:३० बजेतिर हिरासतमा लिएको थियो ।

पक्राउ सन्दीपको साथबाट २४ लाख ५० हजार नगद बरामद भएको रुपन्देहीका प्रहरी प्रमुख उपरीक्षक रवीन्द्र रेग्मीले जानकारी दिए ।

पक्राउ परेका उनीमाथि यसबारे अनुसनधान भइरहेको जिल्ला प्रहरी कार्यालय रुपन्देहीले जनाएको छ ।