मोटरसाइकलको ठक्करबाट सिमरामा एक पैदलयात्रीको मृत्यु, दुई जना घाइते

१२ भदौँ, बारा । मोटरसाइकलको ठक्करबाट बारामा एक जना पैदलयात्रीको मृत्यु भएको छ ।

दुर्घटनामा परेर पर्साको वीरगञ्ज महानगरपालिका १० रानीघाटका ४५ वर्षीय शम्भु साहको मृत्यु भएको प्रहरीले जनाएको छ । जितपुर सिमरा उपमहानगरपालिका ३ बजनी चोकमा शनिबार साँझ करिब ६:४५ बजेतिर बाटोमा हिडिरहेको उनलाई ठक्कर दिएर बा ७१ प २९७ नम्बरको मोटरसाइकल पल्टिएको थियो ।

मोटरसाइकलको ठक्करबाट गम्भीर घाइते भएका निजलाई उपचारका लागि अस्पताल लैजाने क्रममा बाटोमै मृत्यु भएको जिल्ला प्रहरी कार्यालय बाराले जनाएको छ ।
वीरगञ्जबाट सिमरातर्फ आउँदै गरेको मोटरसाइकल दुर्घटना हुँदा सो मोटरसाइकलमा सवार दुई जना घाइते भएका छन् । घाइते दुवै जनाको सिमरास्थित अल्पाइन अस्पतालमा उपचार भइरहेको प्रहरीले जनाएको छ ।