छोराले गरेको दाउरा प्रहारबाट बुवाको हत्या

१२ भदौँ, पाल्पा । बुवाको हत्या आरोपमा छोरा पक्राउ परेका छन् ।

पाल्पाको माथागढी गाउँपालिका वडा नम्बर ४ नेटाका १४ वर्षीय छोराले गरेको दाउरा प्रहारबाट ४५ वर्षीय बुवा तिलबहादुर दिसाको घटनास्थलमै मृत्यु भएको प्रहरीले जनाएको छ ।

सामान्य पारिवारिक विवाद हुँदा शनिबार राति छोराले आफ्नै बुवाको टाउकोमा चिर्पट दाउराले हानेका थिए । चिर्पट दाउराको प्रहारबाट तिलबहादुरको घटनास्थलमै मृत्यु भएको प्रहरीले जनाएको छ ।

प्रहरीका अनुसार घटनाबारे आजबिहान स्थानीयले प्रहरीमा खबर गरेका थिए । पोष्टमार्टमका लागि मृतकको शव जिल्ला अस्पताल पठाइएको छ ।
यस्तै, आरोपी छोरालाई हिरासतमा लिई घटनाबारे अनुसनधान भइरहेको प्रहरीले जनाएको छ ।