थप ६५८ जनामा कोरोना पुष्टि

६ भदौँ, रौतहट । नेपालमा पछिल्लो २४ घण्टामा थप ६५८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा ३ हजार ३ सय ८१ जनाको पीसीआर परीक्षण गर्दा ४ सय ५ जनाको कोरोना रिपोर्ट पोजेटिभ आएको छ ।

यस्तै, यो अवधिमा ३ हजार २ सय ६२ जनाको एन्टिजेन विधिबाट परीक्षण गर्दा २ सय ५३ जनामा एन्टिजेन संक्रमण देखिएको छ ।

त्यसैगरी, बितेको २४ घण्टामा ४ सय ५६ जन संक्रमणमुक्त भएका छन् ।

यसैबीच, पछिल्लो २४ घण्टामा कोरोना भाइरस (कोभिड १९) को संक्रमणका कारण थप १ जनाको मृत्यु भएको छ ।

हाल देशभर ४ हजार २९६ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।