बर्दीमै नर्तकीहरुसँग स्टेजमा नाच्ने सई कारबाहीमा

५ भदौँ, रौतहट । श्रीकृष्ण जन्माष्टमीको अवसरमा गढीमाई नगरपालिकामा लागेको मेलामा बर्दीमै अर्केष्ट्रामा चानेका एक जना प्रहरी नायव निरीक्षक (सई) कारवाहीमा परेका छन् ।

रौतहटको गढीमाई नगरपालिका वडा नम्बर ६ धरमपुरमा जन्माष्टमीको अवसरमा लागेको मेलामा नर्तकीहरुसँग स्टेजमा नाचेको भिडियो सार्वजानिक भएपछि सई राजकिशोर साह कारवाहीमा तानिएका छन् ।

हाल रौतहटको शिवनगरको प्रहरी चौकीमा कार्यरत रहेका सई साह स्टेजमा भोजपुरी गीतमा रमाउदैँ अश्लिल नृत्य गरेपछि उनका जिम्मेवारी खोसेर कारवाहीको प्रक्रिया अघि बढाइएको छ ।

रौतहटका प्रहरी प्रवक्त सुनिल मल्लका अनुसार आफू मन्चमा जानुभन्दा अघि दर्हकलाई मोबाईल बन्द गरेर राख्न र कुनै फोटो र भिडियो नखिच्न आदेश दिएका थिए । तर, स्टेजमा पुगेका सई साह नाच्ने क्रममा आफूलाई रोक्न नसकेर उत्तेजित भएका देखेर दर्शकले पनि भिडियो बनाएर समाजिकसञ्जालमा सार्वजनिक गरेका छन् ।

नेपाल प्रहरीकै पोशाकमा मन्चमा पुगेका सई पदीय आचरण विपरीत सार्वजनिक स्थानमा नाचेको कारण उनीमाथि विभागीय कारबाहीको थप काम पनि अगाडि बढाइएको प्रवक्ता मल्ले जानकारी दिए ।