आज थप ५४२ जनामा कोरोना पुष्टि

२ भदौँ, रौतहट । नेपालमा पछिल्लो २४ घण्टामा थप ५४२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ८२ जनाको पीसीआर परीक्षण गर्दा २ सय २४ जनाको कोरोना रिपोर्ट पोजेटिभ आएको छ ।

यस्तै, यो अवधिमा २ हजार ८ सय ४८ जनाको एन्जिटेन विधिबाट परीक्षण गर्दा ४ सय २१ जनामा एन्टिजेन संक्रमण देखिएको छ ।

त्यसैगरी, यो अवधिमा थप ४ सय २१ जना कोरोनामुक्त भएका छन् । हाल देशभर ५ हजार २ सय ५६ जना संक्रिय कोरोना संक्रमित रहेको स्वास्थ्य मन्त्रालयले जनाएको छ ।

त्यस्तै, यो अवधिमा कोरोना भाइरस (कोभिड १९)को संक्रमणका कारण कसैको पनि मृत्यु भएको छैन् ।