थप ८८८ जनामा कोरोना पुष्टि

३० साउन, रौतहट । नेपालमा पछिल्लो २४ घण्टामा थप ८ सय ८८ जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा ३ हजार १ सय ५५ जनाको पीसीआर परीक्षण गर्दा ४ सय २७ जनाको कोरोना रिपोर्ट पोजेटिभ आएको छ ।

यस्तै, २ हजार ५ सय ५२ जनाको एन्टिजेन विधिबाट परीक्षण गर्दा ४ सय ६१ जनामा एन्टिजेन संक्रमण देखिएको छ ।

त्यसैगरी, यो अवधिमा थप ४ सय ७४ जना कोरोनामुक्त भएका छन् ।

हाल देशभर ५ हजार ३ सय ८७ जना संक्रिय कोरोना संक्रमित रहेका छन् ।

यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप एक जनाले ज्यान गुमाएका छन् ।