पेरिसडाँडामा आज माओवादी केन्द्रको स्थायी कमिटी बैठक बस्दैँ

३० साउन, रौतहट । नेकपा माओवादी केन्द्रको स्थायी कमिटी बैठक आज दिउँसो १ बजे बस्न लागेको छ ।

आगामी मंसिर ४ गते हुने प्रतिनिधिसभा र प्रदेशसभाको निर्वाचनको विषयमा छलफलका लागि सोमबार दिउँसो पार्टी कार्यालय पेरिसडाँडामा माओवादी केन्द्रको स्थायी बैठक बोलाइएको छ ।

बैठकमा आसन्न निर्वाचनको रणनीति, डा. बाबुराम भट्टराई नेतृत्वको नेपाल समाजवादी पार्टीसँगको सहकार्यलगायतका विषयमा छलफल हुने बताइएको छ ।

यस्तै, आगामी निर्वाचनका लागि एउटै चुनाव चिन्हबाट डा. बाबुराम भट्टराई र माओवादी अध्यक्ष पुष्पकमल दाहाल प्रचण्ड चुनाव लड्न सहमत भएका छन् ।