आज थप ८६८ जनामा कोरोना पुष्टि, ३ जनाको मृत्यु

२५ साउन, रौतहट । नेपालमा पछिल्लो २४ घण्टामा थप ८ सय ६८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विगत २४ घण्टामा ३ हजार ६ सय १४ जनाको पीसीआर परीक्षण गर्दा ४ सय ९६ जनाको कोरोना रिपोर्ट पोजेटिभ आएको छ ।

यस्तै, यो अवधिमा ३ हजार ९१ जनाको एन्टिजेन विधिबाट परीक्षण गर्दा ३ सय ७२ जनामा एन्टिजेन संक्रमण देखिएको छ ।

त्यसैगरी, बितेको २४ घण्टामा थप ४ सय १४ जना संक्रमणमुक्त भएका छन् ।

यसैबीच, कोरोना भाइरस (कोभिड १९)को संक्रमणका कारण पछिल्लो २४ घण्टामा थप ३ जनाको मृत्यु भएको छ । योसंगै हालसम्म देशभर संक्रमणका कारण ज्यान गुमाउनेहरुको कुल संख्या ११ हजार ९ सय ७७ पुगेको स्वास्थ्य मन्त्रालयले जनाएको छ ।

हाल नेपालमा ८ हजार ८ सय ५ जना संक्रमित उपचाररत रहेको स्वास्थ्य तथा जनसंख्या मन्त्रालयले जनाएको छ ।