प्रतिबन्धित लागूऔषधसहित मोरङबाट दुई जना पक्राउ

२४ साउन, मोरङ । प्रतिबन्धित लागूऔषधसहित मोरङबाट दुई जना पक्राउ परेका छन् ।

जिल्लाको रतुवामाई नगरपालिका ४ पैयामारीबाट सोही नगरपालिका ७ का १९ वर्षीय राहुलकुमार शर्मा र उर्लावारी नगरपालिका ७ बस्ने २२ वर्षीय युगल लिम्बूलाई हिरासतमा लिएको प्रहरीले जनाएको छ ।

प्रहरी चौकी झुर्कीयाबाट खटिएको प्रहरी टोलीले सोमबार बेलुकी ८ बजेतिर दक्षिणबाट उत्तरतर्फ साइकलमा सवार आइरहेका उनीहरुलाई शंकास्पद अवस्थामा रोकी चेकजाँच गर्ने क्रममा लागूऔषधसहित नियन्त्रणमा लिएको थियो ।

उनीहरुको साथबाट प्रतिबन्धित लागूऔषधत नाईट्राभेट १६५ ट्याब्लेट र ट्रामाडोल २४५ पत्ता बरामद भएको प्रहरीले जनाएको छ । पक्राउ परेका दुवै जनामाथि यसबारे आवश्यक थप अनुसन्धान भइरहेको प्रहरीले जनाएको छ ।