आज थप ५७७ जनामा कोरोना पुष्टि

१३ साउन, रौतहट । नेपालमा पछिल्लो २४ घण्टामा थप ५ सय ७७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार विगत २४ घण्टामा २ हजार ४ सय ७४ जनाको पीसीआर परीक्षण गर्दा ३ सय ९१ जनाको कोरोना रिपोर्ट पोजेटि आएको छ । यस्तै, १ हजार ८ सय ८ जनाको एन्टिजेन विधिबाट परीक्षण गर्दा १ सय ८६ जनामा एन्टिजेन संक्रमण देखिएको छ ।
त्यसैगरी, हाल नेपालमा ४ हजार ३ सय ५६ जना संक्रिय कोरोना संक्रमित रहेका छन् । त्यस्तै, यो अवधिमा थप २ सय ६९ जना कोरोनामुक्त भएका छन् । यसैबीच, कोरोना भाइरस (कोभिड १९)को संक्रमणका कारण थप २ जनाको मृत्यु भएको स्वास्थ्य मन्त्रालयले जनाएको छ ।