वीरगंजबाट मोटरसाइकल चोरी गरेको आरोपमा ३ जना पक्राउ

१३ चैत, रौतहट । वीरगंज महानगरपालिका १३ बाट तीन जनालाई मोटरसाइकल चोरी गरेको आरोपमा प्रहरीले पक्राउ गरेको छ ।

वीरगंज महानगरपालिका वडा नम्बर ११ बस्ने २१ वर्षीय दिपक महतो, १९ वर्षीय रबिन्द्र महतो र पोखरिया नगरपालिका वडा नम्बर १ बस्ने २० वर्षीय सुरेश प्रसाद रौनियारलाई मोटरसाइकल चोरी गरेको आरोपमा प्रहरीले नियनत्रणमा लिएको हो ।

जिल्ला प्रहरी कार्यालय पर्साबाट खटिएको प्रहरी गस्ती टोलीले उनीहरु सवार पल्सर मोटरसाइकल चेक जाँच गर्दा नम्बर प्लेट र बिलबुक समेत नभएको अवस्थामा बुधबार दिउँसो नै नियन्त्रणमा लिएको थियो ।

पर्सा प्रहरीका अनुसार थप अनुसन्धान गर्ने क्रममा उक्त मोटरसाइकल उनीहरुले चोरी गरी ल्याएको खुल्न आएको हो ।

जिल्ला अदालत पर्साबाट ७ दिन म्याद थप गरी पक्राउ परेका तीनै जनालाई हिरासदमा राखी यसबारे थप अनुसन्धान भइरहेको जिल्ला प्रहरी कार्यालय पर्साले जनाएको छ ।