अवैधरुपमा ल्याएको सामानहरु बरामद

१३ चैत, रौतहट । अवैधरुपमा भन्सार छलेर ल्याएको सामानहरु रौतहट प्रहरीले बेवारिसे अवस्थामा बरामद गरेको छ ।

भारतबाट ल्याएको सामानसहित एक मोटरसाइकल समेत बरामद भएको जिल्ला प्रहरी कार्यालय रौतहटले जनाएको छ ।

प्रहरी कार्यालयबाट खटिएको गस्ती टोलीले बिहीबार नै चोरी पैठारी गरी नेपालतर्फ भित्र्याई ल्याएको सामानहरु बरामद गरेको थियो । प्रहरीका अनुसार बरामद भएको सामानहरुको मूल्य करिब १ लाख १९ हजार ४ सय ५० रुपैयाँ बराबर रहेको छ ।

बेवारिसे अवस्थामा भेटिएको सामानसहित मोटरसाईकललाई आवश्यक कारवाहीको लागि गौर भन्सार कार्यालयमा पठाइएको जिल्ला प्रहरी कार्यालय रौतहटले जनाएको छ ।