रौतहटमा एक महिलाको शव फेला

१२ चैत, रौतहट । रौतहटमा आज एक जनाको शव फेला परेको छ ।

जिल्लाको यमुनामाई गाउँपालिका वडा नम्बर ५ झुन्खुन्वा र मोतीपुरको पश्चिमतर्फ रहेको सुन्दर साहको खेतमा आज बिहान करिब १०ः१५ बजेतिर एक महिलाको शव भेटिएको प्रहरीले जनाएको छ ।

मृत अवस्थामा फेला परेकी अन्दाजी २४ वर्षीया महिलाको पहिचान हाल खुल्न नसकेको रौतहट प्रहरीले जानकारी दिए ।

प्रहरीका अनुसार भुसको आगोमा आधा जलेको अवस्थामा महिलाको शवलाई फेला परेको हो ।

यस घटनाबारे थप अनुसन्धान सुरु गरिएको जिल्ला प्रहरी कार्यालय रौतहटले जनाएको छ ।

घटना बारे थप विवरण आउँन बाकी नै रहेको समेत प्रहरीले जनाएको छ ।