पर्सामा जुवा खालबाट २ जना पक्राउ

१० चैत, रौतहट । पर्सामा जुवा खेलिरहेको अवस्थामा प्रहरीले दुई जनालाई पक्राउ गरेको छ ।

पक्राउ पर्नेमा बहुदरमाई ९ बस्ने ४० वर्षीय उमेश राउत कुर्मी र सोही स्थान बस्ने ३० वर्षीय लालबाबु प्रसाद रहेको प्रहरीले जनाएको छ ।

जिल्लाको बहुदरमाई नगरपालिका वडा नम्बर ९ बिश्रामपुर बस्ने बेचु साहको मसुरोबारीमा जुवा खेलाइरहेको गोप्य सूचनाको आधारमा ईलाका प्रहरी कार्यालय पोखरियाबाट खटिएको प्रहरीले उनीहरुलाई नियन्त्रणमा लिएको प्रहरी नायव उपरीक्षक ओमप्रकाश खनालले जनाएका हुन् ।

प्रहरी टोलीले घेरा हाल्ने क्रममा ६-७ जना जुवाडेहरु भागी फरार भएको खनालले बताए । तास खेलिरहेको उनीहरुको साथबाट २१ हजार नगद बरामद भएको समेत प्रहरीले जनाएको छ ।

फरार भएको जुवाडेहरुको खोजी भइरहेको प्रहरीले जानकारी दिए । यस्तै, पक्राउ परेका दुवै जनालाई हिरासदमा राखी यसबारे थप अनुसन्धान भइरहेको प्रहरीले जनाएको छ ।