शुक्रबार थपिए १२० कोरोना संक्रमित

२१ फागुन, रौतहट । नेपालमा पछिल्लो २४ घण्टामा थप १ सय २० जनामा कोरोना भाइरस (कोभिड १९)का संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएका जानकारी अनुसार विगत २४ घण्टामा ६ हजार १ सय ४३ जनाको पीसीआर परीक्षण गर्दा जम्मा १ सय २० जनाको कोरोना रिपोर्ट पोजेटिभ आएको हो । योसंगै हालसम्म देशभर कोरोना संक्रमितको कुल संख्या २ लाख ७४ हजार ६ सय ८ पुगेको छ । जसमध्य हाल नेपालमा ८ सय ३२ जना उपचाररत संक्रमित रहेको मन्त्रालयले जनाएको छ ।

यस्तै, बितेको २४ घण्टामा थप ८३ जना डिस्चार्ज भएका छन् । यससंगै हालसम्म देशभर कोरोना संक्रमणमुक्त हुनेहरुको कुल संख्या २ लाख ७० हजार ७ सय ६६ पुगेको मन्त्रालयले जनाएको छ ।

त्यसैगरी आज पनि कोरोनाका कारण कसैको मृत्यु नभएको मन्त्रालयले पुष्टि गरेको छ ।