थप ७३ जनामा कोरोना पुष्टि, ३ जनाको मृत्यु

१७ फागुन, रौतहट । नेपालमा पछिल्लो २४ घण्टामा थप ७३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार बितेको २४ घण्टामा ३ हजार ४९ जनाको पीसीआर परीक्षण गर्दा जम्मा ७३ जनाको कोरोना रिपोर्ट पोजेटिभ आएको छ । योसंगै हालसम्म देशभर कोरोना संक्रमितको कुल संख्या २ लाख ७४ हजार २ सय १६ पुगेको छ । जसमध्ये हालसम्म नेपालमा ९ सय ६८ उपचाररत संक्रमित रहेका छन् ।

यस्तै, विगत २४ घण्टामा थप ६४ जनाले कोरोना जितेर डिस्चार्ज भएका छन्, भने योसंगै हालसम्म नेपालमा कोरोना संक्रमणमुक्त हुनेहरुको कुल संख्या२ लाख ७० हजार ४ सय ७१ पुगेको मन्त्रालयले जनाएको छ ।

त्यसैगरी, कोरोना संक्रमणका कारण पछिल्लो २४ घण्टामा थप ३ जनाको मृत्यु भएको छ । योसँगै नेपालमा कोरोनाबाट ज्यान गुमाउनेहरुको कुल संख्या २ हजार ७ सय ७७ पुगेको मन्त्रालयले जनाएको छ ।