मोटरसाइकल दुर्घटना हुँदा १ जनाको मृत्यु, दुई घाइते
८ फागुन, रौतहट । झापामा मोटरसाइकल दुर्घटना हुँदा एक जनाको मृत्यु भएको छ, भने अन्य दुई जना घाइते भएका छन् ।
मेचीनगर १३, चारआलीस्थित पूर्व-पश्चिम राजमार्गमा शुक्रबार बेलुका पश्चिमबाट पूर्वतर्फ जाँदै गरेको मे ११ प ४४७८ नम्बरको मोटरसाइकल र सोही विपरीत दिशाबाट आउँदै गरेको मे ११ प ११३१ नम्बरको मोटरसाइकल एकआपसमा ठोक्किदा दुर्घटना भएको थियोे ।
दुर्घटनामा परी मेचीनगर नगरपालिका १३ बस्ने ३८ वर्षीय अनन्त आचार्यको मृत्यु भएको प्रहरीले जनाएको छ । मृतक आचार्य ग्लोबल आइएमइ बैंक, फिक्कल शाखाका प्रमुख हुन ।
उनका निधारमा गम्भीर चोट लागेको थियो । उपचारका लागी बिर्तामोडस्थित बिएण्डसी हस्पिटलमा ल्याएपनि आज बिहान उपचारका क्रममा मृत्यु भएको हो ।
दुर्घटनामा परी मे ११ प ४४७८ मोटरसाइकलको पछाडि सवार भद्रपुर १० का २६ बर्षीय विकास बुढाथोकी र मे ११ प ११३१ नम्बरका मोटरसाइकल चालक अर्जुनधारा १० का १८ वर्षीय मनिष परियार गम्भीर घाइते भएका छन् ।
घाइते भएको दुवै जनाको बिएण्डसी हस्पिटलमा उपचार भइरहेको प्रहरीले जनाएको छ ।
