यात्रुवाहक बसमा आगलागी हुँदा ५३ जनाको मृत्यु

१५ माघ, रौतहट । पेट्रोलियम पदार्थ बोकेको ट्याङ्करसँग यात्रुवाहक बस ठोक्किदाँ भएको आगलागीमा ५३ जनाको मृत्यु भएको छ ।

बुधबार दिउँसो करिब ३ः३० बजेको समयमा आगलागी हुँदा क्यामरुनमा करिब ५३ जनाको मृत्यु भएको प्रहरीले जनाएको हो । देशको मध्यपश्चिमी क्षेत्रमा पर्ने क्लिफ अफ डिस्चाङ भन्ने ठाउँमा ७० वटा सिट भएको बसमा आगलागी भएको समाचारमा जनाइएको छ ।

आगलागीमा परी मृत्यु भएका सबै जना पूर्णरुपमा जलेका कारण उनीहरुको पहिचान हुन् नसकेको सरकारी अधिकारीहरुले बताएका छन् ।

पेट्रोलियम पदार्थ बोकेको ट्याङ्करसँग ठोकिएर बसमा समेत आगलागी भएको अधिकारीहरूले जनाएका छन् ।