सिरहामा आज बिहान प्रेसर कुकर बम भेटियो

१० माघ, रौतहट । सिरहामा शनिबार बिहान बम भेटिएका छ ।

जिल्लाको मिर्चौया नगरपालिका ५ जिबाखोलाको पुलमा आज बिहान प्रेसरकुकर बम फेला परेको हो ।

प्रेसर कुकर बम भेटिएपछि डिस्पोजलका लागि चोहर्वास्थित श्री सेर गणबाट नेपाली सेनाको डिसपोजल टोली घटनास्थल तर्फ गइरहेको प्रहरीले जनाएको छ ।

हाल पूर्वपश्चिम राजमार्गमा सवारी आवागमन बन्द गरिएको जिल्ला प्रहरी सिरहाका प्रवक्ता डिएसपी सालिग्राम शर्माले जानकारी दिए ।

बम कसले र के प्रायोजनको लागि राखेको भन्ने बारेमा अनुसन्धान भइरहेको प्रहरीले जनाएको छ ।