दुई जनाको शव फेला

२४ पुस, रौतहट । छुट्टाछुट्टै स्थानमा दुई जना मृक अवस्थामा फेला परेका छन् ।

मृत अवस्थामा फेला परेका एक जना नवलपरासीका र एक जना ललितपुरका रहेका प्रहरीले जनाएको हो ।

नवलपरासी (पश्चिम)को प्रतापपुर गाउँपालिका ९ अठलहियास्थित गण्डक नहरमा हाल पहिचान नखुलेका करिब ४० वर्षीय पुरुष बिहीबार साँझ मृत अवस्थामा भेटिएको थियो ।

यस्तै, ललितपुरको ललितपुर महानगरपालिका १२ मंगलबजार डेरा गरी बस्ने ४५ वर्षीय उत्सव रावल आफ्नै कोठामा बिहीबार मृत अवस्थामा फेला परेका थिए ।

दुवै घटना बारे थप अनुसन्धान भइरहेको प्रहरीले जनाएको छ ।