कैलालीमा गैंडाको खागसहित एक जना प्रहरी नियन्त्रणमा

२० पुस, रौतहट । कैलालीमा सोमबार बिहान गैँडाको खागसहित प्रहरीले एक जनालाई पक्राउ गरेको छ ।

खागसहित पक्राउ पर्नेमा बर्गगोरीया गाउँपालिका ४ बस्ने ५८ वर्षीय नैनबहादुर कठरिया रहेका प्रहरीले जनाएको हो ।

स्थानीय छतिवन सामुदायिक वन नजिकै पूर्वपश्चिम राजमार्गमा ना ३ स ५७१८ नम्बरको आटो रिक्सामा खाग राखिएको अवस्थामा उनलाई खागसहित आज बिहान पक्राउ गरिएको संघीय प्रहरी कार्यालय धनगढीका प्रमुख प्रहरी वरिष्ठ उपरीक्षक नल प्रसाद उपाध्यायले जानकारी दिए ।

उनलाई हिरासदमा राखी यसबारे थप अनुसन्धान भइरहेको प्रहरीले जनाएको छ ।