महोत्तरीबाट हतियारसहित दुई भारतीय नागरिक पक्राउ

१८ पुस, रौतहट । महोत्तरीबाट हतियारसहित दुई भारतीय नागरिकलाई सशस्त्र प्रहरीले पक्राउ गरेको छ ।

हतियारसहित पक्राउ पर्नेमा भारतको जिल्ला सितामढी बस्ने १५ वर्षीय राजकुमार दास र १९ वर्षीय मुकेशकुमार मण्डल रहेका सशस्त्र प्रहरीले जनाएको हो ।

मनरासिस्वा नगरपालिका–१० स्थित मरुवाहीमा शुत्रबार राती मादक पदार्थ सेवन गरी स्थानीयसँग झगडा गरेर दशगजातिर भाग्ने क्रममा उनीहरुलाई पक्राउ गरिएको सशस्त्र प्रहरीले जनाएको छ ।

सशस्त्रको बोर्डर आउट पोस्ट मरुवाहीबाट खटेको घुम्ती टोलीले उनीहरुलाई पक्राउ गरेको हो । उनीहरुको साथबाट २ राउन्ड ९७.६५ सेमी० लोडेड अटोमेटिक पेस्तोल १ नाल र स्प्रिङ चक्कु १ थान बरामद गरिएको सशस्त्र प्रहरी–९ नम्बर गण जलसागर महोत्तरीका एसपी सुरेश सापकोटाले जानकारी दिए ।

उनीहरुलाई हतियारसहित जिल्ला प्रहरी कार्यालय महोत्तरीमा बुझाइएको एसपी सापकोटाले जनाएका छन् । ।