चोरी गरेको धनमालसहित एक जना प्रहरी नियन्त्रणमा

१८ पुस, रौतहट । रौतहटमा चोरी गरेको धनमालसहित एक जनालाई प्रहरीले पक्राउ गरेको छ ।

चोरी गरेको आरोपमा मानपुर बस्ने सन्तोल कुमार साह (सोनार)लाई नियन्त्रणमा लिएको प्रहरीले जनाएको हो ।

जिल्लाको माधवनारायण नगरपालिका वडा नम्बर ४ मानपुर का सिकिलदेव मुखियाले आफ्नै घरमा सञ्चालन गरेको किराना पसलमा साहले चोरी गरेको थियो ।

चोरीको सुचना प्राप्त हुनसाथै रौतहटबाट खटिएको प्रहरी टोली घटनास्थलमा पगी फरार भएका साहको खोजी गरदैँ उनलाई सुती रहेको अवस्थामा पक्राउ गरेको थियो ।

पक्राउ परेका साहको साथै शिखर, चुरोटको डिब्बा ११ थान र १ हजार ५ रुपैयाँ बरामद भएको जिल्ला प्रहरी कार्यालय रौतहटले जनाए ।

जिल्लाको अदालतबाट १० दिनको म्याद थप गरी उनलाई हिरासतमा राखी यसबारे थप अनुसन्धान भइरहेको प्रहरीले जनाएको छ ।